Ministri i Shëndetësisë Rifat Latifi e ka arsyetuar formimin e Komisionit Ekzekutiv për Shëndetësi nga kryeministri Albin Kurti, duke thënë se shëndetësia është në krizë.
Ai ka deklaruar se ky komision nuk do t’ja zbeh funksionin e tij, por përkundrazi do ta fuqizojë.
“Absolutisht jo, në shumë shtete nëpër botë ka Health Comition. Në realitet kur ka kriza të ndryshme krijohen komisione të tilla, ne jemi në krizë. Shëndetësia nuk i takon vetëm ministrit të Shëndetësisë, as ministrit të financave, i takon të gjithë aparatit qeveritar. Unë sot jam ministër, nesër mund të mos jem por ky komision i cilido kryeministër duhet të vazhdojë”, ka deklaruar Latifi në një intervistë për KosovaPress.
Kujtojmë se kryeministri Albin Kurti formoi një komision ekzekutiv për shëndetësi të cilin po e kryeson ai vet. Edhe Kurti kishte deklaruar se shëndetësia është në gjendje të rëndë.
Pjesë e këtij komisioni është edhe ud. Drejtoresha e SHSKUK-së Pranvera Zejnullahu-Raçi, e cila poashtu në një deklaratë të saj kishte thënë se spitalet janë në kaos total. /Gazeta Shneta/