Neurokirurgu Talat Gjinolli ka dal me një reagim pas lajmit se Ministria e Shëndetësisë do të shpall konkursin për specializime.
Gjinolli i është drejtuar ministrit Rifat Latifi duke i thënë se shëndetësia nuk do të përmirësohet me konkurse për specializime dhe subspecializime periodike.
“Parakusht per nje SISTEM funksional shendetesor eshte: trajtimi i sherbimit shendetesor me principet e ekonomise se tregut. Nuk ka shendetesi “falas”. Mund te jete “solidar” por jo falas. Program qeverises(konsenzual) se çfarë sistemi shëndetësor duam të ndërtojmë: Amerikan, Europian (gjerman, françez, anglez, skandinav) apo turk. Pa adresim të këtyre parakushteve, edhe 20 vite të tjera nuk do të kemi shëndetësi funksionale”, ka shkruar ndër të tjera Gjinolli.
Lexoni reagimin e tij të plotë:
Minister, nuk permiresohet gjendja ne shendetesi me konkurse per specializime dhe subspecializime.
1. Specializimet dhe subspecializimet jane ne kuader te Edukimit(Arsimimit) te Vazhduar Mjekesor-EVM. Ne kete kuptim ato duhet te jene ne “vazhdimesi” e jo periodike, me konkurse. Semurjet nuk presin “konkurse” ato lajmerohen ne vazhdimesi.
2. Specialistet nderrojne vend te punes(migrojne), pensionohen, nderrojne jete. Nuk presin “konkurse”.
3. Specialistet dhe subspecialistet ( edhe ata te diaspores) nuk mund te kthehen ne Kosove, nese nuk ka nje “çmim” dhe ambient pune, per ofrim te sherbimit te tyre.
4. Specialistet dhe subspecialistet nuk mund te funksionojne ne menyre optimale nese nuk ”ushqehen” nga mjekesia primare.
Ka edhe shume çeshtje tjera te Sektorit shendetesor qe duhet te adresohen ne nje SISTEM funksional shendetesor(qe nuk e kemi)
Parakusht per nje SISTEM funksional shendetesor eshte:
– trajtimi i sherbimit shendetesor me principet e ekonomise se tregut. Nuk ka shendetesi “falas”. Mund te jete “solidar” por jo falas.
– program qeverises(konsenzual) se çfarë sistemi shëndetësor duam të ndërtojmë: Amerikan, Europian (gjerman, françez, anglez, skandinav) apo turk.
Pa adresim të këtyre parakushteve, edhe 20 vite të tjera nuk do të kemi shëndetësi funksionale.
Kemi SEKTOR, por jo SISTEM funksional shëndetësor.