Këshilltari për media i ministrit të Punës dhe Mirëqenies Sociale, Valmir Gashi, e ka konfirmuar rastin pozitiv në shtëpinë e pleqve në Prishtinë.
Gashi në një deklaratë për Gazetën Shneta ka thënë se banorja e shtëpisë së pleqve kishte shfaqur simptoma të virusit disa ditë më parë dhe e njëjta ishte izoluar.
“Ajo ka qenë në izolim për shkak të simptomave dhe sot ka rezultuar pozitive me Covid-19. Edhe disa kontakte të saj brenda shtëpisë janë izoluar. Momentalisht të gjithë banorët janë mirë dhe gjendja është nën kontroll”, ka deklaruar Gashi.
Ai ka bërë të ditur se banorët e shtëpisë ishin testuar edhe më herët dhe të njëjtit kishin dal negativ të gjithë. /Gazeta Shneta/
