Ministria e Shëndetësisë ka paralajmëruar gratë të cilat janë më të rrezikuarat që të preken nga sëmundja e diabetit.
Gratë që janë në rrezik nga diabeti, janë ato me mbipeshë, pa aktivitete të rregullta fizike apo edhe nënat që kanë lindur fëmijë mbi 4 kg, shkruan Gazeta Shneta.
Lexoni njoftimin e plotë të Ministrisë:
14 Nëntori
DITA BOTËRORE E DIABETIT
INFORMACION PËR OPINION
14 Nëntori është Dita Botërore e Diabetit, ditë e cila në shumë pjesë të Botës kalon duke mësuar dhe informuar popullatën lidhur me këtë sëmundje qe është duke shkaktuar “pandemi globale”.
Arsyeja e shënimit të kësaj dite në tërë Boten e edhe tek ne në Kosovë është :
Thirrje për AKSION për gjithë ata që me kontributin e tyre do të përkrahin masat e parandalimit dhe kontrollit të Diabetit në Kosovë dhe në botë.
Në mbarë botën:
- 415 milionë të rritur jetojnë me diabet dhe ky numër pritet të rritet në 642 milionë, ose një në dhjetë të rritur ne vitin 2040.
- Një në dy të rritur me diabet është i pa diagnostikuar
- Rreth 90% e popullatës atakohet me diabetin tip 2 dhe 10% me diabet tip 1.
- 12% e totalit të shpenzimeve globale në shëndetësi aktualisht shpenzohet për të rriturit me diabet.
Kampanja e sivjetme është me moton:
“Gruaja dhe diabeti ”
Momentalisht në botë janë 99 milion gra të cilat jetojnë me Diabet, ky numër parashihet të jetë 313 milion deri në vitin 2040. Në çdo 7 lindje një shtatzënë është e atakuar nga diabeti gestacional.
Cilat gra janë të rrezikuara të kenë diabetin gestacional?
? Gratë me mbipeshë dhe obezitet (BMI mbi 25)
? Gratë Pa aktivitet të rregullt fizik
? Që kanë familjare të lidhjes së rendit të parë (nëna, baba, motra, vëllezër) me diabet
? Shtatzëni të kaluar me diabet gestacional apo shtatzani të kaluar me foshnje të lindur me
peshë mbi 4Kg
? Gratë që kanë ndonjë çregullim –sëmundje tjetër metabolike si hipertension apo çrregullim të
nivelit të yndyrave
? Gratë me sindrome të ovareve policistike
? Gratë me prediabet