Në Ditën Ndërkombëtare për Ndërgjegjësim ndaj Autizmit, Komuna e Mitrovicës ka ndarë nga 50 euro për fëmijët me autizëm.
Kryetari i komunës, Faton Peci, përmes një postimi në Facebook, bëri të ditur se ky vendim përfaqëson një shenjë të vullnetit të mirë dhe përkujdesit institucional ndaj kësaj kategorie.
“Angazhimet tona do të jenë gjithëpërfshirëse për të avancuar pozitën dhe ngritur kualitetin e shërbimeve ndaj kësaj kategorie. Një shoqëri e avancuar përkujdeset për secilën kategori”, ka shkruar ai.