Shoqata austriake Allianz für Kinder do të organizojë ekzaminime dhe kontrolle mjekësore për fëmijët e moshës 0 deri në 14 vjeç në Fushë Kosovë.
Sipas njoftimit, kontrollet do të mbahen më 24 prill 2026, duke filluar nga ora 13:30, në Qendra Kryesore e Mjekësisë Familjare, afër objektit të ri të komunës.
Ekipi mjekësor do të fokusohet në identifikimin dhe trajtimin e:
anomalive dhe problemeve të zemrës
problemeve urologjike
çrregullimeve ortopedike
rasteve kirurgjikale
Organizatorët kanë bërë të ditur se për këto kategori mund të ofrohet edhe mbështetje për trajtim të mëtejshëm.
Shoqata ka sqaruar se nuk do të mund të ofrojë ndihmë për diagnoza të tjera, përfshirë:
sëmundjet neurologjike
çrregullimet psikiatrike
paralizat
sindromat gjenetike
epilepsinë
kancerin dhe tumorët
rastet që kërkojnë transplantim
Në rastet kur konstatohet nevoja për trajtim të specializuar, fëmijët mund të dërgohen për kurim në Austri, të shoqëruar nga njëri prind.
Për informata shtesë, qytetarët mund të kontaktojnë në numrin: 044-801-900/Gazeta Shneta/