Mjekët në Klinikën e Gastroenterologjisë në QKUK kanë kryer një intervenim urgjent tek një pacient nga Peja.
Ekipi i mjekëve Dr. Visar Zekaj, Dr. Jeton Bytyçi, dhe infermieret kujdestare Remzije Aliu, Emine Neziri dhe Valentina Dema, kanë pranuar një pacient nga Peja me gjakderdhje gastrointestinale, shkruan Gazeta Shneta.
Mjekët fillimisht e kanë diagnostikuar pacientin me gastroskopi ku është detektuar burimi i gjakderdhjes e më pas është bërë intervenimi dhe pacienti është në gjendje stabile.
Njoftimi i plotë:
Përderisa jemi në kohën e pandemisë COVID19 dhe vëmendja është e përqendruar kryesisht për rastet e reja të infektuara, shëruara dhe për qytetet e prekura, sektorët tjerë shëndetësor vazhdojnë të kryejnë punën e tyre.
Pra në Klinikën e Gastroenterologjisë kryhen rastet urgjente endoskopike si në rastin e prezantuar në foto. Pacienti i ardhur nga spitali rajonal i Pejës me gjakderdhje gastrointestinale i bëhet gastroskopia urgjente ku detektohet burimi i gjakderdhjes dhe intervenohet.
Gjendja e pacientit tani është më stabile.
Ekipi kujdestar:
Dr. Visar Zekaj, specialist internist gastroenterolog
Dr. Jeton Bytyçi specializant i gastroenterologjisë,
Remzije Aliu, Emine Neziri dhe Valentina Dema infermiere kujdestare.
