Kirurgët e Qendrës Klinike Universitare nuk kanë arritur ta shpëtojnë jetën e një të burgosuri të Dubravës, i cili kishte qenë me aneurizëm të aortës abdominale.
Një i burgosur ka ndërruar jetë sot në mëngjes në Qendrën Klinike dhe Universitare të Kosovës. Bëhet fjalë për M.N, i cili ka qenë në mbajtje të dënimit në Burgun e Dubravës.
Lajmin për këtë e ka bërë të ditur Shërbimi Korrektues i Kosovës përmes një komunikate drejtuar mediave.
“Shërbimi Korrektues i Kosovës, njofton opinionin publik se me datë 09 maj 2019 rreth orës 08:50, sipas informatave nga QKUK, në njësinë Qendrore të Kujdesit Intenziv ka ndrruar jetë i burgosuri M.N, i lindur më 1956”, thuhet në njoftimin e SHKK’së.
Në këtë institucion njoftojnë se i burgosurit ka qenë në mbajtje të dënimit në Dubravë dhe se ka pasur Anaurismae Aorta Abdominalis (AAA).
Trupi i të ndjerit është dërguar për autopsi, për të verifikuar shkakun e vërtetë te vdekjes.