Mjekët paralajmërojnë një shqetësim për disa nga pacientët me COVID-19.
Pacientët me COVID-19 që kanë nivele jashtëzakonisht të ulta të oksigjenit në gjak kanë treguar për veten e tyre se po ndihen rehat me gjendjen e tyre shkruan SkyNews, transmeton GazetaShneta.
Mjekët që trajtojnë pacientët me koronavirus kanë vërejtur një fenomen të çuditshëm mes disa pacientëve të quajtur “hipoksi e lumtur” dhe kanë paralajmëruar se gjendja mund të jetë vdekjeprurëse.
Një ngopje normale e oksigjenit në gjak është të paktën 95% dhe në shumicën e sëmundjeve të mushkërive, siç është pneumonia, nëse ato nivele bien ato kanë efekte të dëmshme.
Por, ndërsa pacientët luftojnë të marrin frymë me mushkëri të dëmtuara në raste serioze të COVID-19, në fillim të sëmundjes niveli i ulët i oksigjenit në gjak nuk shoqërohet gjithmonë me vështirësi të dukshme të frymëmarrjes.
Për këtë shqetësim tregoi edhe Dr Jonathan Bannard-Smith, një konsulent në kujdesin kritik në Manchester Royal Infirmary, duke thënë se pacientët nuk janë të vetëdijshëm se kanë nivele të ulëta të oksigjenit në gjak./GazetaShneta/