Mjekët shqiptarë në Qendrën Spitalore Universitare të Tiranës, kanë realizuar suksesshëm një operacion neurokirurgjik tek një foshnje 11 ditëshe.
Kështu ka njoftuar ministrja e Shëndetësisë Ogerta Manastirliu, e cila ka thënë se foshnja ishte diagnostikuar me një keqformim të palcës kurrizore, transmeton Gazeta Shneta.
“Një ndërhyrje e rrallë tek një bebe vetëm 11 ditësh me keqformim të palcës së kurrizit u realizua me sukses nga ekipi i mjekëve të neurokirurgjisë, kirurgjisë pediatrike, reanimacionit pediatrik dhe shërbimit të djegie-plastikës në #QSUT”.
“Falë investimit të fundit të Ministrisë së Shëndetësisë dhe Mbrojtjes Sociale për rezonancën e re moderne në neurokirurgji, u bë e mundur identifikimi i keqformimit të rrallë dhe me profesionalizmin e ekipit multidisiplinar të mjekëve të #QSUT, foshnja sot gëzon shëndet të plotë”, ka shkruar Manastirliu. /Gazeta Shneta/
