Më shumë se 350 klinicistë raportojnë dyshime për diabet të shkaktuar nga Covidi, si i tipit 1 ashtu edhe të tipit 2.
Një grup i shkencëtarëve nga e gjithë bota besojnë se ka një numër në rritje të provave që Covid-19 mund të shkaktojë diabet në disa pacientë shkruan The Guardian përcjell Gazeta Shneta.
Prof. Francesco Rubino, nga King’s College London, po udhëheq thirrjen për një hetim të plotë të një lidhjeje të mundshme midis dy sëmundjeve.
Duke parë një rritje të diabetit të tipit 1 dhe të tipit 2 tek njerëzit që ishin prekur me Covid-19, disa mjekë madje po konsiderojnë mundësinë që virusi duke prishur metabolizmin e sheqerit – të shkaktojë një formë krejtësisht të re të diabetit.
“Gjatë muajve të fundit, ne kemi parë më shumë raste të pacientëve që ose kishin zhvilluar diabet gjatë përvojës me Covid-19, ose menjëherë pas kësaj. Tani kemi filluar të mendojmë se lidhja është ndoshta e vërtetë dhe ekziston një aftësi e virusit për të shkaktuar një mosfunksionim të metabolizmit të sheqerit” tha prof. Rubino.
Pacientët me diabet para-ekzistues kanë një rrezik më të lartë të komplikimeve serioze me Covid-19 dhe janë në listën e përparësive të shtetit britanik për të marrë vaksinën.
Shkencëtarët kanë supozuar se meqenëse Sars-CoV-2 bashkëvepron me një receptor të ashtuquajturin ACE-2 për të infiltruar qelizat në një sërë organesh, përfshirë pankreasin, kjo lidhje mund të prishë metabolizmin e sheqerit.
Një shpjegim tjetër i mundshëm është përgjigjja e antitrupave të bollshëm të trupit, e cila ka për qëllim të luftojë virusin, reagon shumë dhe sulmon organet kryesore që mbajnë nivelet normale të glukozës. /Gazeta Shneta/