Një mjeke familjare në QKMF-në e Mitrovicës ka përshkruar një diagnozë skandaloze për një pacient i cili nuk ishte fare i pranishëm.
Në fakt mjekja L.V. e ka udhëzuar një pacient nga QKMF në Emergjencën e Spitalit të Mitrovicës me diagnozën: “Pa prezencën e pacientit”, shkruan Gazeta Shneta.
Ky udhëzim është publikuar në faqen “Udhëzime pa kritere” në Facebook, ku përveç kësaj janë publikuar edhe disa udhëzime të tjera që në fakt nuk do të duhej të bëheshin nga mjekët familjarë.
SHSKUK pati paralajmëruar se do të ndërmarr masa për mjekët që referojnë pacientë për në Emergjencën e QKUK-së, nëse konstatohet se këto raste nuk është dashur të dërgoheshin në nivelin terciar. /Gazeta Shneta/
