Katër persona janë plagosur sot rreth orës 16:00 në Lupç të Podujevës.
Mjeku kujdesar në Klinikën Emergjente në QKUK, Agron Çitaku, ka thënë para mediave se njëri prej katër të plagosurve me armë në Lupç të Podujevë është në rrezik për jetë.
Ndërsa dy të tjerë të lënduar sipas Çitakut pritet që sot brenda ditës të lirohen nga trajtimi mjekësor.
“Kanë mbërri katër raste me lëndime nga arma zjarrit, dy prej tyre janë në gjendje më të lehtë dhe dy në gjendje më të rëndë. Kanë plagë shpuese trajtimi po vazhdon, njëri do të hyjë në sallë të operacionit, njëri është në rrezik për jetë mund të themi për momentin”, ka thënë Çitaku.