Angjelin Shtjefni është mjek i përgjithshëm dhe prej vitesh ai pushimet nuk i kalon në SHBA apo vende luksoze, por vjen në Shqipëri, në fshatin e tij të lindjes, në Fishtë.
Në një intervistë për emisionin “Good Morning Albanians” në Euronews Albania, ai theksoi se nuk pranon para nga qytetarët, edhe pse ata e pyesin se sa u detyrohet.
Më tej ai shtoi se e habit fakti që në Shqipëri mjekët marrin para nga pacientët në këmbim të kurimit.
“Ka qenë vetëm një rast që më kanë thënë që sa ju detyrohem, por që unë nuk pranoj para, ua kam bërë të qartë që në fillim. Më habit shumë fakti që pacientët I japin lekë mjekut”- tha ai./Euronews Albania/