Një analizë e kompanisë suedeze Tandem Health tregon se mjetet e inteligjencës artificiale për shënime mjekësore po ulin ndjeshëm kohën që mjekët harxhojnë në dokumentacion.
Sipas të dhënave nga mbi 375 mijë shënime dhe rreth 1,300 klinicistë në Europë, koha e përgatitjes së shënimeve mjekësore ra me 29%, nga 6.69 në 4.71 minuta.
Mjekët që përdorën këtë mjet raportuan se ndihen më të fokusuar te pacienti dhe më pak të stresuar nga burokracitë, një faktor kryesor i burnout-it në shëndetësi.
Tandem Health thotë se AI mund të ndihmojë sistemet shëndetësore në Europë që po përballen me mungesë të stafit dhe rritje kostosh, duke përmirësuar qasjen në kujdes dhe mirëqenien e klinicistëve./Gazeta Shneta/