Ndërsa rritjet e shpeshta të sheqerit në gjak mund të jenë të dëmshme, specialistët theksojnë se personat pa diabet zakonisht nuk kanë nevojë ta ndjekin atë rregullisht. Nivelet e glukozës rriten natyrshëm pas ngrënies, veçanërisht pas ushqimeve me shumë sheqer të shtuar, dhe luhatjet brenda një intervali normal janë pjesë e funksionimit të zakonshëm të trupit.
Kohët e fundit, shumë persona pa diabet kanë filluar të përdorin pajisje monitorimi të vazhdueshëm të glukozës (CGM) për të shmangur “pikun” e sheqerit, të nxitur kryesisht nga rrjetet sociale, shkruan burimi Health transmeton Gazeta Shneta.
Megjithatë, ekspertët si Dr. Sun Kim nga Stanford University dhe Dr. Raimund Herzog nga Yale Medicine paralajmërojnë se kjo praktikë mund të krijojë shqetësime të panevojshme, sidomos kur çdo gjë është brenda normales. Për më tepër, CGM-të janë krijuar për persona me diabet dhe mund të japin lexime të pasakta te personat e shëndetshëm.
Mbajtja e niveleve të qëndrueshme të sheqerit arrihet më mirë përmes një diete të pasur me fibra, ushqime bimore dhe proteina të dobëta, aktiviteti fizik të rregullt, ruajtjes së peshës së shëndetshme, konsumit të ujit në vend të pijeve të ëmbla, dhe ngrënies në orare të rregullta.
CGM mund të jenë të dobishme për ata me prediabet, për të parandaluar kalimin në diabet të tipit 2.
Por për pjesën tjetër, ekspertët thonë se përqendrimi te ushqyerja e ekuilibruar dhe stili i qëndrueshëm i jetesës është shumë më efektiv sesa obsesioni me matjen e çdo ngritjeje të glukozës. /Gazeta Shneta/