Uji që del nga zierja e makaronave është shumë i pasur me amidon dhe kripëra të tjera minerale, prandaj ka shumë funksione, si për shembull:
Zbutja e lëkurës Shërben për zbutjen e lëkurës, duke siguruar një hidratim të saj deri në thellësi. Këshillohet veçanërisht për lëkurën e këmbëve duke shtuar në të një sasi kripe. Pas kësaj, mjafton që këmbët t’i mbani në ujë për disa minuta dhe do të shihni efektin e pritshëm.
Maska për flokët: I njëjti efekt zbutës vlen edhe për flokët. Këshillohet që larja e flokëve me këtë ujë të bëhet përpara përdorimit të shampos. Maskë për fytyrën Për këtë do të mjaftonte që të shtoni në ujin e përftuar një sasi bollguri, për të marrë një përzierje me efekte të mira hidratuese.
“Riciklim” Një tjetër përdorim i zgjuar i ujit të makaronave, është edhe përdorimi i tij për të zier zarzavatet. Duke qenë se është i pasur edhe me kripë, në këtë rast nuk është nevoja që të shtohet një sasi tjetër kripe në zierjen e tyre.