Ka mungesë të statistikave të sakta në Kosovë rreth referimit shëndetësor. Ndërkohë, Ministri i Shëndetësisë Uran Ismaili, ka thënë se në këtë proces është duke u punuar për shtatë vjet.
“Ka qenë një projekt që ka zgjatur shtatë vjet dhe nuk ka qenë e lehtë të bëhet shkëputje. Kjo pasi që kur investohet gjithë ato vjet në një projekt dhe në anën tjetër ekziston një dëshirë për t’u realizuar,pret, mirëpo rezultoi nga raporti i auditimit, që pilot-projekti nuk ka arritur në niveli të dëshiruar. Si rrjedhojë kemi ardhur në një situatë që projekti të mbyllet, dhe të fillohet me digjitalizim”, u shpreh Ismaili.
Poashtu, Ministri Ismaili ka folur edhe rreth digjitalizimit të shëndetësisë që sipas tij është rrugë shumë e vështirë, por që është me shumë nevojë në vend.
Drejtori i Qendrës Emergjente në QKUK, Basri Lenjani ka thënë për Radio Evropa e Lirë se mosdigjitalizimi ka krijuar shumë probleme me vite të tëra në ofrimin e kujdesit shëndetësor emergjent.
Ndërkohë ka komentuar pozitivisht rreth angazhimit të Ministrisë së Shëndetësisë për mënyrën e referimit të rasteve në tri nivelet shëndetësore.
‘’Unë mendoj që është një hap i rëndësishëm, dhe jo i vonshëm, pasi sistemi i referimit është i nevojshëm dhe ne do të merremi mandej me rastet që nuk mund të merren dy nivelet e trajtimit shëndetësor, pasi një gjë të tillë e mundëson sistemi ireferimit shëndetësor’’, ka shtuar Lenjani.
Kështu nuk ka të dhëna të sakta rreth sëmundjeve dhe rasteve të tjera shëndetësore në Kosovë./RadioEvropaeLire/
– Kliko këtu për t’u informuar me testin që duhet ta bëjë secila nënë shtatzënë për të konfirmuar se shëndeti gjenetik i foshnjës në ardhje është në rregull.