Se mjekësia po përpraon me sukses çdo ditë e më shumë, për këtë po bindemi çdo herë.
E një rast për të na bindur për sukseset e mjekësisë është edhe rasti i Erin dhe Abby Delaney, motrave amerikane që kanë lindur në korrik të 2016-ës me sindromën “kraniopagus”, e cila është formë e rrallë e binjakëve që lindin të bashkuar, që mund të konsiderohet pa frikë si një prej historive më të suksesshme të mjekësisë moderne.
Askush nuk do ta kishte menduar që dy vogëlushet, tashmë dy vjeç, do t’ia kishin dalë mbanë aq më tepër duke marrë marrë parasysh që ishin të ngjitura me njëra tjetrën në skajin e kafkës. Pas shumë konsultave me mjekët prindërit e binjakeve vendosën t’i operonin, duke marrë parasysh dhe rrezikun që njëra nga binjaket të mos jetonte dhe në rastin më të keq të dyja.
“Kjo është e frikshme, por nuk mund të lejojmë që frika të kufizojë aftësinë tonë për të vepruar”, u shpreh doktori që i mori përsipër.
Megjithatë pas 11 orësh në sallën e operimit Erin dhe Abby arritën të mbijetonin. Nëna e binjakëve tha në blogun e saj para një muaji se Erin kishte dalë nga spitali, por Abby-t i duhej edhe pak kohë përkujdesja e mjekëve.
“Ajo ka nevojë edhe për disa javë të tjera rehabilitimi dhe pastaj me shpresën e Zotit ne do të shkojnë në shtëpi për pushime. Krishtlindjet në shtëpi këtë vit. Erin tashmë është mirë dhe ndodhet në shtëpi dhe kjo është gjysma e betejës. Pra, tani të ajo që duhet të bëjmë është të shpresojmë që të marrim edhe Abbyn dhe do të kthehemi në shtëpinë tonë në Carolina”, u shpreh nëna e binjakeve.
“Ishte një operacion kompleks dhe i komplikuar, po ne shpresonim shumë se do t’ia dilnim” – tregon Jesse Taylor, kirurgu plastik që kreu operacionin së bashku me neurokirurgun Gregory Heuer. Gjatë operacionit, vajzat u ndoqën nga 30 doktorë, infermiere dhe personeli tjetër mjekësor. Rasti i Abby dhe Erin ndodh rrallë, një në 200 000 lindje, sipas ‘University of Maryland Medical Center.’/Living