Një tërmet i fortë me magnitudë 3.6 Rihter ka tronditur sërish Italinë mbrëmjen e së hënës rreth orës 20.30 minuta.
Kryeqendra e tërmetit ka qenë ishulli i Iskias, pranë Napolit, ndonëse sipas njoftimeve të deritanishme zona më e goditur në ishull ka qenë fshati Casamicciola ku janë regjistruar edhe dëmtimet më të mëdha materiale dhe viktimat e para. Zjarrëfikësit italianë vazhdojnë të punojnë intensivisht për nxjerrjen e trupave të të plagosurve dhe viktimave që kanë mbetur poshtë rrënojave si pasojë e shembjes së ndërtesave të vjetra, shkruan La Repubblica, transmeton Gazeta Shneta.
Mëngjesin e sotëm ata kanë arritur të shpëtojnë një foshnje 7-muajshe të quajtur Pasquale, i cili kishte qëndruar poshtë rrënojave për plot 7 orë. Shpëtimi i tij është konsideruar si mrekulli, sakaq zjarrëfikësit po vazhdojnë të punojnë për gjetjen e dy vëllezërve të tjerë, 3 dhe 7 vjeç.
/Gazeta Shneta/