Ministria e Shëndetësisë ka njoftuar se në spitalet në vend janë duke u trajtuar 25 pacientë të infektuar me coronavirus gjatë këtyre dy javëve.
Numri më i lartë i rasteve pozitive është regjistruar nga 20 qershori deri më sot. Në raportin e fundit të Ministrisë së Shëndetësisë thuhet se gjatë 24 orëve të fundit janë shënuar 213 raste pozitive.
Me rritjen e rasteve rrjedhimisht rriten edhe rastet aktive me coronavirus. MSh bënë të ditur se më 20 qershor 2022 ishin vetëm 110 raste me rritjen graduale të rasteve aktive sot shifra ka arritur në 1 mijë e 244 sosh.
“Ministria e Shëndetësisë u bën thirrje qytetarëve që të vaksinohen me dozën e radhës të vaksinës kundër COVID-19, për të parandaluar infeksione të reja, forma të rënda të sëmundjes nga COVID-19 dhe vdekjet”, thuhet në reagimin e ministrisë.
Në anën tjetër, procesi i imunizimit është duke vazhduar me një intensitet dukshëm më të ulët, pavarësisht thirrjeve të autoriteteve për vaksinimi.
Në raportin e fundit thuhet se për 24 orë në të gjithë vendin janë dhënë 95 doza të vaksinave.
Deri më tani në Kosovë janë infektuar me COVID-19 mbi 230 mijë qytetarë prej tyre mbi 3 mijë kanë vdekur ndërsa mbi 225 mijë janë shëruar.
Rasti i parë me coronavirusi në Kosovë është regjistruar më 13 mars të vitit 2020. /Gazeta Shneta/