Ministria e Shëndetësisë së Kosovës (MSh), përmes një komunikate ka bërë të ditur se komuna e Gjilanit po rritet me shërbime shëndetësore.
Sipas këtij njoftimi, MSh-ja thekson se procesi i screeningut që po realizohet në QKMF në Gjilan në bashkëpunim me Spitalin Rajonal do të mundësojë diagnostikimin e hershëm të kancerit të qafës së mitrës, përcjell Gazeta Shneta.
“PAP TESTI për diagnostikimin e hershëm të kancerit të qafës së mitrës dhe Mamografi për diagnostikimin e hershëm të kancerit të gjirit janë parakushte për t’i mposhtur këto dy sëmundje malinje. Për këtë, rëndësi i kemi dhënë sigurimit të vaksinave HPV dhe jo vetëm, proces ky i cili tashmë është duke vazhduar”, ka theksuar MSh-ja.
Ministri i Shëndetësisë Dr. Arben Vitia ka vizituar Qendrën Kryesore të Mjekësisë Familjare në Gjilan, për të parë nga afër zhvillimet e procesit të screeningut.
Vitia, gjithashtu gjatë kësaj vizite e falenderoi personelin shëndetësor të QKMF-së, për kontributin dhe punën e palodhshme që po bëjnë për të ofruar shërbime cilësore për qytetarët e Gjilanit.
Komunikata e plotë nga MSh-ja:
Gjilani me më shumë shërbime shëndetësore
Ministri i Shëndetësisë Dr. Arben Vitia vizitoi Qendrën Kryesore të Mjekësisë Familjare në Gjilan, ku aty u prit nga Kryetari i Komunës z. Alban Hyseni.
Investimet në Kujdesin Parësor Shëndetësor janë ndër prioritetet e Ministrisë së Shëndetësisë, ku gjatë vizitës Minstri u njoftua nga afër për procesin e screeningut i cili po realizohet tashmë në QKMF-në Gjilan, në bashkëpunim me Spitalin Rajonal.
PAP TESTI për diagnostikimin e hershëm të kancerit të qafës së mitrës dhe Mamografi për diagnostikimin e hershëm të kancerit të gjirit janë parakushte për t’i mposhtur këto dy sëmundje malinje.
Për këtë, rëndësi i kemi dhënë sigurimit të vaksinave HPV dhe jo vetëm, proces ky i cili tashmë është duke vazhduar.
Ministri Vitia gjatë kësaj vizite e falenderoi personelin shëndetësor të QKMF-së, për kontributin dhe punën e palodhshme që po bëjnë për të ofruar shërbime cilësore për qytetarët e Gjilanit.