Ministria e Shëndetësisë ka njoftuar se janë licencuar edhe 10 laboratorë biokimik për testime serologjike për Sars-Cov-2.
Në njoftimin e MSH-së thuhet se Bordi për licencimin e institucioneve private shëndetësore, është duke vazhduar me shqyrtimin e dokumentacionit të laboratorëve privat të cilët kanë kërkuar licencimin për testime serologjike.
Kujtojmë se para dy ditësh MSH ka njoftuar për licencimin e 29 laboratorëve për testime për Covid, dy prej të cilave do të kryejnë shërbimin me metodën RT PCR.
Ministri i Shëndetësisë Armend Zemaj ka bërë thirrje laboratorëve që të mos abuzojnë me çmime në dëm të qytetarëve. Edhe Autoriteti i Konkurrencës ka paralajmëruar masa në rast se laboratorët bëjnë ndonjë marrëveshje për çmimet e testeve. /Gazeta Shneta/