Barnatorja e Qendrës Kryesore të Mjekësisë Familjare në Prishtinë u furnizua dje me barna, por pacientët me diabet dhe sëmundje të lukthit këtë muaj e kanë të pamundur të marrin dy medikamente esenciale.
E kjo pasi në barnatoren e QKMF-së ka mungesë të tyre pasi nuk janë furnizuar nga Ministria e Shëndetësisë.
Fatos Aliu, përgjegjës në barnatoren e Qendrës Kryesore të Mjekësisë Familjare në Prishtinë ka thënë se janë furnizuar me disa lloje të produkteve nga Ministria e Shëndetësisë, por që ka shumë mungesa të barnave për sëmundje kronike.
“Mungesa kemi, janë disa lloje të barnave për sëmundjet kronikë që përdorën. Furnizimi është bërë dje nga Ministria e Shëndetësisë, furnizim prej listës esenciale. Kemi mungesë, nuk jemi furnizuar me llojin e barnave për diabet, “Metformin” si dhe me “Omoprazol”, këto për të cilat zakonishtë vijnë pacientat e rregulltë që e kërkojnë furnizimin me to”, tha Aliu për Gazetën Shneta.
Tutje, ai theksoi së kërkesat e tyre për furnizim të barnave që u mungojnë, janë të vazhdueshme, por se a do të këtë mungesë të vazhdueshme të këtyre barnave apo jo pritet të shihet në furnizimin e ardhshëm të farmacisë.
“Kërkesat për furnizim ne i kryejmë në mënyrë të rregulltë, elektronike, mirëpo furnizimi nuk varet prej neve. Kërkesat i kryejmë çdo herë në fillim të muajit”, tha ai./Gazeta Shneta/
