Ministria e Shëndetësisë ka publikuar konkursin për rekrutimin e rreth 200 profesionistëve në kuadër të luftës kundër pandemisë Covid-19.
MSH në këtë konkurs ka kërkuar 100 mjekë specialist ose mjekë të përgjithshëm. Të parët do të kenë pagën 704 euro, ndërsa mjekët e përgjithshëm 610 euro. Këta do të punësohen me kontratë për 3 muaj me mundësi vazhdimi edhe për tre muaj të tjerë, shkruan Gazeta Shneta.
MSH po synon t’i shtojë kapacitetet edhe në fushën e mikrobiologjisë duke kërkuar 4 specialistë të kësaj fushe me kushte të njëjta sikurse pozitat më lartë.
MSH ka hapur konkursin edhe për 62 pozita të lira për infermierë me kontratë për tre muaj dhe mundësi vazhdimi. Paga për infermierët do të jetë 422 euro. Për këtë pozitë nuk kërkohet diplomë fakulteti.
Në këtë konkurs janë kërkuar edhe 20 inspektorë sanitarë me pagë 520 euro. Kjo pozitë është e hapur për kandidatët të cilët kanë diplomë Universiteti në këto fusha – Mjekësisë Sanitare, Fakulteti i Teknologjisë Ushqimore, Kimisë, Biologjisë, Farmacisë, Mjekësia me edukim në Shëndetin Publik, transmeton gazetashneta.
Në këtë konkurs janë të hapur edhe tetë pozita për laborant dhe 6 pozita për staf mbështetës.
Konkursi i plotë KLIKONI KETU ➡ Konkursi-specialist-te-shëndetesisë-shqip