Ministria e Shëndetësisë ka dal me një sqarim për vendimin e Qeverisë për bartjen e 820 mijë eurove nga nënprogrami për specializantët tek lufta për pandeminë me koronavirus.
“Ministria e Shëndetësisë informon publikun se transferimi i kërkuar nuk prek pagat e Specializantëve vullnetarë, të cilët financohen/marrin rrogë nga kategoria ekonomike e subvencioneve dhe transfereve programi 90300 Aftësimi Specialistik (vetëm emri i programit), të cilët financohen në përputhje me Udhëzimin Administrativ respektiv”, thuhet në njoftimin e MSH-së, transmeton Gazeta Shneta.
Njoftimi i plotë:
MSH: Vendimi për transferim mjetesh i Qeverisë, nuk prek pagat e Specializantëve vullnetarë
Prishtinë, 23. 04. 2020
Ndërlidhur me vendimin e sotëm të Qeverisë së Republikës së Kosovës për transferimin e mjeteve në shumë prej 820 000 euro nga nën-programi Aftësimi Specialistik dhe EVM me kod 90300 nga kategoria e shpenzimeve e subvencioneve dhe transferimin e tyre në nën-programin Shërbimet përkatëse farmaceutike me kod 71 300 euro në kategorinë e shpenzimeve të mallrave dhe shërbimeve për shfrytëzimin e tyre për luftimin e pandemisë Covid 19;
Ministria e Shëndetësisë informon publikun se transferimi i kërkuar nuk prek pagat e Specializantëve vullnetarë, të cilët financohen/marrin rrogë nga kategoria ekonomike e subvencioneve dhe transfereve programi 90300 Aftësimi Specialistik (vetëm emri i programit), të cilët financohen në përputhje me Udhëzimin Administrativ respektiv.
Mjetet e planifikuara për këtë vit në subvencione dhe transfere janë në bazë të Ligjit për ndarje Buxhetore 2020 dhe janë 3,313,805.00 euro të cilat ndër të tjera përfshijnë pagat e Specializantëve vullnetarë, projekte e tjera të planifikuara në bazë të Ligjit të Buxhetit dhe, gjithashtu, edhe Kontraktimet Sociale.
Andaj, mjetet që nuk do të mund të shfrytëzohen këtë vit nga Ministria e Shëndetësisë, është kërkuar që në bazë të LMFPP, neni 30, Qeveria t’i transferoj për shfrytëzim për COVID 19.
Pra, pagat e specializantëve vullnetarë përveç që janë të paprekshme, për to është paraparë edhe rritja nëse Ligji për pagat hyn në fuqi.