Ç’kemi hormone! Përderisa bebja juaj është e zënë duke u transformuar nga një qelizë në një fetus të plotë, rritja e niveleve të homroneve të shtatzënisë i tregojnë trupit tuaj se ndryshime ekstra do të ndodhin dhe se duhet punë ekstra për ta mbajtur trupin tuaj të shëndetshëm.
Bebja juaj
Në javët e ardhshme, fillon zhvillimi intenziv pasiqë organet kryesore të bebes tuaj fillojnë të zhvillohen (sistemi nervor, sistemi i tretjes, sistemi i qarkullimit etj) dhe 8 javë pas ngjizjes të gjitha vijnë në vendin e tyre.
Disa ndryshime dhe zhvillime që mund ti vëreni në këtë kohë janë:
– Bebja juaj ka rrahjen e zemrës në javën e 5-të.
– Këmbët dhe krahët shfaqen, gishtat e tyre që bëhen të dukshëm në javën e 6-të.
– Mushkëritë, veshtë, sytë dhe të gjitha organet tjera esenciale fillojnë të duken nga java e 8-të.
– Afër përfundimit të muajit të dytë, bebja juaj është e gjatë rreth 0.25cm dhe peshon rreth 9 gram.
Trupi juaj
Secila grua hynë në shtatzëni në mënyrën e saj, por është një simptomë që të gjitha gratë e përjetojnë në muajin e dytë. Plogështia. “Trimestri i parë është i lodhshëm për shumë nëna. Rritja e një bebe të re merr shumë energji, pa e përmendur ndryshimin e madh hormonal që ndodhë,” thotë Kelly Kasper, M.D., Obstetër & Gjinekologe në Universitetin e Mjeksisë Indiana.
Ndryshimet që mund të vëreni përfshijnë:
– Venat e gjakut, veçanërisht në abdomen dhe gjinjë, bëhen më të dukshme pasiqë sasia e gjakut tuaj fillon të ushqejë beben.
– Edhe pse nuk mund ta ndjeni, mitra juaj ka filluar të rritet, nga një kokërr në një top të vogël. Si rezultat i kësaj, mund ta vëreni se pantollonat tuaja kanë filluar të mos ju bëjnë më.
– Emocionalisht, mund të vërehen ndryshimet në disponimin tuaj — e gëzuar në një minutë pastaj nervoze minutën tjetër. Siklete të tjera mund të zhvillohen në trimestrin e parë siç janë: rritja e urinimit, turbullirat e mëngjesit dhe mos dëshira ndaj ushqimeve. / Gazeta Shneta