Organizmi i fëmijëve ka nevojë për një masë të caktuar të kripës. Këtë sasi zakonisht ata e marrin përmes ushqimit me gji.
Zgjidhja më e mirë do të ishte të shmangni shtimin e kripës për ushqimin e foshnjave.
Ndërsa fëmija juaj fillon të rritet de të hajë ushqime solide, ai do të marrë shumë kripë “të fshehur” në këto ushqime. Edhe për të rriturit nuk është mirë që të shtojmë shumë kripë në ushqime.
Shtimi i kripës në ushqimin e një fëmije mund të jetë i dëmshëm për veshkat e tij të papjekura, të cilat mund të mos jenë në gjendje të përpunojnë kripën e tepërt. Ushqimet e kripura të foshnjave gjithashtu mund të çojnë në një preferencë të përjetshme për ushqimet e kripura dhe që mund të rrezikojnë shëndetin e ardhshëm të fëmijës. Kujtojmë se dëshira e madhe për kripën pasohet nga presioni i lartë i gjakut dhe një numër problemesh të tjera shëndetësore.
Ndoshta mund t’ju duket joshëse idea për të shtuar kripë në ushqimin e një fëmije në mënyrë që të përmirësoni shijen e ushqimit që i jepni, por ka plot mënyra më të mira për ta inkurajuar fëmijën të hajë ushqime.
Provoni të eksperimentoni me shije dhe kombinime të ndryshme të ushqimeve për foshnja.