Një studim i publikuar në “Journal of Medical Entomology”, ka zbuluar se mushkonjat kanë pothuajse dy herë më shumë gjasa të pickojnë personat me grup gjaku O krahasuar me ata me grup gjaku A.
Sipas studiuesve, kjo ndodh sepse njerëzit me grup gjaku O lëshojnë përmes lëkurës sinjale kimike unike që i tërheqin mushkonjat. Rreth 85% e njerëzve janë gjithashtu “sekretues”, që do të thotë se shfaqin shenjat e grupit të gjakut në djersë dhe lëkurë, duke u bërë më tërheqës për mushkonjat pavarësisht nga tipi i gjakut.
Faktorë të tjerë si nxehtësia e trupit dhe sasia e dioksidit të karbonit të nxjerrë luajnë gjithashtu rol dhe shpesh lidhen me grupin e gjakut, duke ndikuar më tej në sjelljen e mushkonjave.