Ka ndërruar jetë pasditen e sotme veprimtari i shquar shqiptar Adem Demaçi, në moshën 82 vjeçare.
Ndërsa lajmin për vdekjen e tij e ka bërë të ditur nënkryetari i Kuvendit të Kosovës, Xhavit Haliti.
“Ka ndërruar jetë mësuesi jonë, njeriu që i dha 28 vjet të jetës së tij nëpër kazamatet serbe. Ai ka ndërruar jetë por vepra e tij do të lartësohet e të kujtohet për sa të ketë jetë”, ka thënë Haliti, derisa po kryesonte seancën në të cilën po diskutohej për dialogun me Serbinë.
Ai ka ftuar deputetët të mbajnë një minutë heshtje, derisa seanca është ndërprerë dhe pritet të vazhdohet nesër./Express/