Në muajin gusht të vitit 2018 një nënë kishte treguar se foshnja e saj 3 muajshe, e cila gëzonte shëndet të plot vdiq sa ishte duke fjetur. Pas autopsisë së bërë është zbuluar se foshnja 3 muajshe kishte pasur kontakt me streptokokun e grupit B, ose GBS, një bakter i zakonshëm që gjendet në trup. Bakteri nuk dëmton të rriturit por, mund të jetë fatal kur kalon tek foshnjat.
Raportohet se, një ditë përpara se Fleur të vdiste, familja e saj mori pjesë në një event për mbledhjen e fondeve për një të afërm ku nëna e saj, Emily Vandenbrouck, tha se foshnja ishte mbajtur në duar nga shumë njerëz.
Familja e pikëlluar e Fleur nga Paignton, Devon janë të dëshpëruar dhe po mundohen që të vënë në dijeni rëndësinë e të qenurit të pastër kur preken foshnjat.
“Fleur u mbajt dhe u puth nga shumë njerëz atë ditë, ndoshta e mbajti dikush që nuk i kishte larë duart pas përdorimit të tualetit,”-tha Vandenbrouck. “Dua të ndërgjegjësoj familjet e tjera në mënyrë që të mos përjetojnë të njëjtën dhimbje si unë. Kur e vendosëm për të fjetur ishte plotësisht e lumtur dhe normale. Nuk kishte temperaturë. Por kurrë nuk u zgjua”, citohen të kenë thënë prindërit e vogëlushes.
GBS në raste të rralla, foshnjat që kanë sistem imunitar më të dobët, mund të jenë të prekshëm nga marrja e baktereve nga duart e palara të të rriturve. /21Media
