Ka ndërruar jetë infermieri Sherafedin Mehmeti nga spitali i Mitrovicës. Lajmin e kanë konfirmuar zyrtarët e spitalit përmes një njoftimi në rrjetet sociale.
“Më datë 14.08.2020 vdiq infermieri i Spitalit tonë Sherafedin Mehmeti -Sheki, derisa ishte duke u mjekuar në Spitalin-Vushtrri nga covid-19”, thuhet në njoftim, transmeton Gazeta Shneta.
Zyrtarët e spitalit të Mitrovicës kanë bërë të ditur se i ndjeri kishte qenë i diagnostikuar me Diabetes mellitus typ-2 dhe Hypertensio arterialis.
“Kolegu ynë mbahet mend si djalë punëtor, i urte, i ndershëm çdo here në shërbim të pacientëve. Ngushllime familjes dhe stafit të Spitalit të Përgjithshëm-Mitrovicë”, thuhet në njoftim.
Fatkeqësisht Mehmeti është infermieri i dytë që ka ndërruar jetë nga Covid-19, pas infermieres Shkurte Geca në Spitalin e Pejës. /Gazeta Shneta/