I.H., 20 vjeç, ka ndërruar jetë mbrëmë në orën 23:15. Përkundër përpjekjeve maksimale nga stafi shëndetësor i mjekimit intensiv qendror, ai nuk ka arritur të mbijetojë, konfirmon QKU-ja.
Sot Express raportoi se 20-vjeçari që kishte shkuar për të aplikuar si rekrut në FSK ka ndërruar jetë pas plagëve që i shkaktoi goditja e trenit. Këtë e konfirmoi Shpend Fazliu nga zyra për informim në QKU.
“Përkundër përpjekjeve maksimale nga stafi shëndetësor i mjekimit intensiv qendror ai nuk ka arritur të mbijetojë. Mbrëmë në 23.15 pacienti ka ndërruar jetë”, tha Fazliu.
Ndryshe, aksidenti i rëndë ka ndodhur më 21 shkurt në afërsi të kazermës “Adem Jashari” në Prishtinë. I ndjeri për disa ditë rresht është trajtuar në spital por gjendja e tij shëndetësore qe e rëndë edhe pas operacioneve që ai iu nënshtrua.