Ka ndërruar jetë një pacientë 80 vjeçar i infektuar me Covid-19 në Klinikën Infektive në QKUK.
Lajmi është bërë i ditur zyrtarisht nga Ministria e Shëndetësisë, ku thuhet se pacienti nga Prishtina ka pasur edhe sëmundje të tjera, shkruan Gazeta Shneta.
“Klinika Infektive e Qendrës Klinike Universitare të Kosovës ka njoftuar se sot, më 20 qershor 2020, në këtë klinikë ka vdekur pacienti A.G. (1940), me vendbanim në Prishtinë. Pacienti që ka ndërruar jetë, krahas diagnostikimit me Covid-19, vuante edhe nga disa sëmundje të tjera shoqëruese”, thuhet në njoftimin e MSH-së.
Deri më tani në Kosovë janë infektuar me Covid 1.998 persona, prej të cilëve të paktën 35 kanë ndërruar jetë. /Gazeta Shneta/