Ndërron jetë pronari i butikut të njohur në Prishtinë, dyshohet për sulm kardiak

2019-07-23 në ora 14:07

Pronar i butikut të njohur “Charlie” në Prishtinë, F.G. ka ndërruar jetë ditën e sotme. Ai është gjetur në banesën e tij pa shenja jete, ndërsa dyshohet se ka ndodhur për shkak të sulmit kardiak

F.G., 42 vjeç, u gjet pa shenja jete sot në banesën e tij në Prishtinë. Bëhet fjalë për një biznesmen të fushës së tekstilit i njohur në kryeqytet dhe Kosovë. F.G. ishte pronar i dyqaneve të veshmbathjes “Charlie”, raporton Gazeta Express. Sipas deklaratave që thanë personat që e njohën F.G., vdekja e tij ka ardhur për shkak të një sulmi kardiak.

Rastin e ka konfirmuar edhe zëdhënësi i Policisë, Bajram Krasniqi. “Me datë 23.07.2019  rreth orës 10:50h, Prishtine (L.Dardania) në banesën e tij nga familjarët është gjetur i vdekur personi F.G.,1977, vdekjen e viktimës e ka konstatuar njësia e Urgjencës Prishtinë në vendin e ngjarjes kanë dale njësite e nevojshme policore. Lidhur me veprimet është njoftuar Prokurori kujdestar dhe Njësia e Hetimeve Rajonale”, ka thënë Krasniqi.

Ndërkohë, familjarët e tij i kanë thënë Gazetës Express se ai ka vdekur në gjumë.