Drejtori i Klinikës së Gjinekologjisë, Dr. Zef Ndrejaj, ka paralajmëruar se shërbimi i frytnimit të asistuar mjekësor do të fillojë së shpejti.
Ai për Front Online thotë se për pak muaj arrijnë pajisjet mjekësore në Klinikën e Gjinekologjisë.
“Puna në trajtimet e pacientëve të cilët kanë nevojë për IVF, pritet të filloj menjëherë posa të na arrijnë pajisjet mjekësore (aparaturat) e punës për ato procedura. Pajisjet janë në procedurë të tenderimit për blerje, e që ka ndihmuar Ministria. Presim brenda pak muajve të arrijnë në KOGj”, tha ai për Front Online.
Kërkesat e larta, mund të ndikojnë në shtimin e stafit në Gjinekologji, ka thënë drejtori i kësaj klinike, Zef Ndrejaj.
“Staf mjekësorë për fillimin e punës kemi mjaftueshëm, por sipas kërkesave në të ardhmen mundemi edhe të shtojmë numrin e stafit. KOGj ka kapacitete të mjaftueshme për shërbimin e IVF”, tha ai.
Fertilizimi i asistuar mjekësor është frytnimi i asistuar mjekësor me ç ‘rast përdoren qelizat riprodhuese personale të të dy bashkëshortëve.