Instituti Hidrometeorologjik i Kosovës, ka njoftuar rreth motit që do të mbizotërojë në vendin tonë përgjatë kësaj jave.
Sipas institutit, kjo javë është me mot kryesisht të qetë dhe parashihen shumë orë më diell.
Vranësirat do të shfaqen më shumë në relievet malore, ku atje nuk përjashtohet mundësia për ndonjë rigë të izoluar.
“Sa i përket temperaturave deri ditën e premte, nuk do të jenë të larta, por gjithnjë duke respektuar mesataret e muajit korrik. Nga fundjava parashihen serish valë e të nxehtit Afrikan.
Temperaturat minimale gjatë kësaj periudhe pesëditëshe do të lëvizin ndërmjet 8-12 gradë Celsius, ndërsa maksimalet e ditës parashihen të lëvizin ndërmjet 21-29 gradë Celsius”, thuhet në njoftim. /Gazeta Shneta/