Në Maqedoninë Veriore është kryer për herë të parë transplanti i mëlçisë, ka njoftuar Ministria e Shëndetësisë.
Transplanti i parë i mëlçisë në Klinikën e Kirurgjisë Digjestive në Shkup, është kryer nga një donator i vdekur, transmeton Gazeta Shneta.
“Pacienti gjashtëdhjetëvjeçar me sëmundje kronike të mëlçisë mori një organ të shëndetshëm nga pacientja me vdekje në tru, familja e së cilës mbrëmë pranoi t’i dhurojë organet”, thuhet në njoftim.
Përveç mëlçisë, nga donatori i njëjtë janë marr edhe veshkat të cilat sipas njoftim janë në proces për t’u përfunduar transplantimi.
Për këtë intervenim ministri Bekim Sali e ka falënderuar profesorin Zoran Karaxhov dhe ekipin e tij, si dhe ekipi i Klinikës së Gastroenterohepatologjisë.
Në Maqedoninë e Veriut transplanti i veshkës bëhet tash e disa vite, ndërsa transplanti i parë i zemrës është kryer në vitin 2020.
Njoftimi i plotë:
Sot, pikërisht në mesditë në Klinikën e Kirurgjisë Digjestive, është kryer transplanti i parë i mëlçisë nga donatori i vdekur në historinë e shëndetësisë në Maqedoni.
Pacienti gjashtëdhjetëvjeçar me sëmundje kronike të mëlçisë mori një organ të shëndetshëm nga pacientja me vdekje në tru, familja e së cilës mbrëmë pranoi t’i dhurojë organet.
Krahas mëlçisë, momentalisht është duke u zhvilluar transplantimi i veshkave në dy pacientë me sëmundje të veshkave.
-Në emrin tim personal dhe në emër të gjithë personelit të përfshirë në ndërhyrjen e transplanteve, do të doja të falënderoja familjen e donatorit dhe vendimin e tyre për të shpëtuar jo një, por tre jetë. Ata na treguan edhe një herë se jeta mund të dhurohet.
Falenderojmë gjithashtu të gjitha ekipet mjekësore të përfshira në transplantim, që punuan dhe vazhdojnë të punojnë me pacientët gjatë 24 orëve të fundit. Falënderim të veçantë meriton profesori Zoran Karaxhov dhe ekipi i tij, si dhe ekipi i Klinikës së Gastroenterohepatologjisë, i cili sot shkroi një faqe të re jo vetëm në fushën e kirurgjisë së digjestive, por edhe në shëndetin e përgjithshëm, theksoi ministri i Shëndetësisë, dr. Bekim Sali