Në Klinikën e Pulmologjisë në QKUK trupi i një pacienti të vdekur ka mbetur që 5 orë në dhomë me pacientët.
Qytetari Nesim Maxhuni ka publikuar një fotografi në Facebook, ku ka treguar se trupi i vdekur i pacientit është lënë në dhomë me pacientët tjerë që pesë orë.
“Që 5 orë kufoma në dhomë me plotë pacientë të tjerë aty, kërkush nuk merret me këtë punë”, ka shkruar Maxhuni.
Në Klinikën e Pulmologjisë trajtohen pacientët e sëmurë me koronavirus. Edhe më parë janë raportuar parregullësi në menaxhimin e kësaj klinike, ku familjarët janë ankuar se pacientët e dyshuar me Covid po trajtohen në dhomat e njëjta me pacientët e konfirmuar pozitiv.
Por drejtoresha e klinikës Rukije Mehmeti kishte deklaruar se vazhdimisht e kanë këtë gjendje, dhe iu thonë pacientëve “ose rrini në dhoma me pacientë pozitiv, ose mund të vdisni në shtëpitë tuaja”. /Gazeta Shneta/
