Në Spitali i Përgjithshëm Dr. Sami Haxhibeqiri ka filluar aplikimi i vaksinës BCG (BSZH) për të porsalindurit, një proces që po realizohet në bashkëpunim me Instituti Kombëtar i Shëndetësisë Publike të Kosovës në Mitrovicë.
Sipas njoftimit, vaksinimi po kryhet menjëherë pas lindjes nga stafi infermieror i Repartit të Neonatologjisë, nën mbikëqyrjen e mjekëve.
Deri më tani, ky shërbim nuk ishte ofruar në këtë spital, transmeton Gazeta Shneta.
Vaksina BSZH përdoret për parandalimin e tuberkulozit (TBC), një sëmundje infektive që prek kryesisht mushkëritë, por mund të përfshijë edhe organe të tjera të trupit.
Procesi po zbatohet sipas kalendarit të rregullt të vaksinimit dhe synon mbrojtjen e foshnjave që në ditët e para të jetës.
Sipas njoftimit, vaksina konsiderohet e sigurt dhe e rekomanduar nga autoritetet shëndetësore ndërkombëtare si masë efektive parandaluese, veçanërisht për mbrojtjen nga format e rënda të tuberkulozit, përfshirë meningjitin tuberkular dhe tuberkulozin e përhapur./Gazeta Shneta/