Në Spitalin e Përgjithshëm në Pejë gjatë muajit maj janë hospitalizuar 1 mijë e 318 pacientë, ku 23 prej tyre kanë ndërruar jetë
Spitali i Përgjithshëm i Pejës ka bërë publike statistikat e shërbimeve dhe pacientëve gjatë muajit maj. Në këtë spital janë shtrirë 1318 pacientë ndërsa janë kryer gjithsej 438 orë operime. Ndërsa sipas reparteve numri i operimeve ka qenë: 129 Kirurgji, 22 Ortopedi, 25 Urologji, 49 ORL, 11 Gjinekologji dhe 64 Akusherik. Më së shumti pacientë ka pasur nga Komuna e Pejës, ndërsa janë trajtuar pacientë edhe nga Komuna e Deçanit, Junikut, Klinës e Istogut, transmeton Gazeta Shneta.
“Gjatë muajit Maj 2018 numri i të vdekurve ka qenë 23, ndërsa transferuarve nga Spitali i Pejës në Spitalet tjera 66”, thuhet në njoftim. Ky spital ka njoftuar edhe për numrin e lindjeve gjatë muajit të kaluar.
“Numri i të lindurve në Spitalin e Përgjithshëm në Pejë në Maj ka qenë 167 ndërsa me operacion cezarian 61 raste. Numri i foshnjave të lindura gjatë Majit është 168 dhe nga këta 84 janë të gjinisë femërore dhe 84 të gjinisë mashkullore”.
“Spitali i Spitalit të Përgjithshëm në Pejë, mbetët i përkushtuar që të jetë në dispozicion të të gjithë atyre që kanë nevojë për marrjen e shërimit, me të gjitha kapacitetet njerëzore e teknike që disponon”, thuhet në fund të njoftimit. /Gazeta Shneta/