Një nënë e foshnjës 6-muajshe është ankuar se një pediatër i ka përshkruar një shurup për kollë i cili në fakt përdoret për fëmijë mbi 1-vjeç.
Nëna e cila ka dashur të mbetet anonime, ka thënë se foshnja e saj ka pasur kollë dhe temperaturë dhe mjeku i ka përshkruar një shurup ‘Ambroxol’, i cili në fakt përdoret për fëmijë mbi 1-vjeç, shkruan Gazeta Shneta.
Ajo është ankuar se pas përdorimit të këtij bari, fëmijës i janë shfaqur edhe disa puçrra në trup.
Për këtë rast mamia e njohur Razije Musa, ka thënë se nuk është hera e parë që mjekët përshkruajnë barna pa kontroll.
“Të them të drejtën pasi i kam mbi 50 mijë nëna që më ndjekin nuk jam e habitur me këto përshkrime të mjekëve që dozën e barnave e japin pa kurrfarë kontrolle, sepse barnat duhen të jepen sipas moshës, e jo një bebe 6 muajshe t’i përshkruhet ky sirup që është për kollë që beben mundet me qit në gjumë të thellë, e kush do të përgjigjet veç Zoti e din”, ka deklaruar Musa. /Gazeta Shneta/
