Gjatë udhëtimit me autobus nga Barcelona në Bruksel, një grua solli një vajzë të shëndetshme në botë. Gruas i erdhën dhimbjet e lindjes ndërsa po udhëtonte për të vizituar pjesëtarët e familjes së saj.
Dy shoferët e autobusit FlixBus u alarmuan kur bashkëshorti i gruas shtatzënë u tha se asaj i kishin plasur ujërat para kohe.
Shoferi në timon Guillaume Moity arriti që të ndalonte autobusin në një stacion të afërt ndërsa shoferi zëvendësues, Jérôme Cavasse mori në telefon shërbimet e emergjencës.
Pasi lindi fëmijën në autobus gruaja u dërgua menjëherë në spital. Si nëna ashtu edhe foshnja Zenep ndodhen në gjendje të mirë shëndetësore.
Kjo është hera e parë në historinë e FlixBus që një foshnje lind në autobus, ndaj vajza do udhëtojë falas në FlixBus derisa të mbushë 18 vjeç.
