Një nënë solli në jetë një djalë përbrenda tre minutave, kohë rekord sipas autoriteteve angleze, e cila ishte duke u relaksuar në dush. Kuptohet se profesioni i kësaj nëne ishte infermiere.
Kat Smith, e moshës 30-vjeçe, kishte vetëm gjysmë ore që kishte lënë punën. Pas gjysmë ore, ajo u fut në dush dhe lindi fëmijën e saj të tretë, një djalë kësaj radhe, lindje kjo për të cilën deklaron se nuk ndjeu fare dhimbje, transmeton Gazeta Shneta.
“Hyra në dush për t’u relaksuar dhe nuk dola vetëm. Nuk mund ta besoja. Nuk ndjeva asnjë dhimbje, vetëm me pak sforcim dhe vogëlushi ishte aty me mua në dush.”, tha Kat për Daily Mail.
“Dy lindjet e para kanë qenë të tmerrshme. Kurrë nuk mund ta besoja se është mundur të lindësh kaq shpejtë dhe pa dhimbje. Duket sikur nuk ka ndodhur asgjë”./Gazeta Shneta/