Ekipet e kërkim-shpëtimit nga Rumania që po ndihmojnë në Shqipëri, kanë gjetur trupat e pa jetë të një nëne dhe birit të saj në Lagjen nr. 18 në Durrës.
Mësohet se nën rrënoja janë gjetur një grua 47 vjeçe dhe një i ri 22 vjeç, të cilët janë nënë e bir. Abcneës.al mëson nga forcat rumune që po kryejnë operacionin se i kanë gjetur nënë e bir të pajetë të kapur dorë për dore nën rrënoja.
Personi i tretë që gjendet nën rrënoja është nëna e piktores Diena Karanxha. Vajza e saj u nxor pa jetë nga ky pallat, ndërsa kjo e fundit u nxor gjallë nga rrënojat por më pas ndërroi jetë në spital.
Në Lagjen 18, pranë stadiumit në Durrës, në një ndërtesë supozohet se edhe një person ka mbetur brenda rrënojave.
Aty deri tani janë nxjerrë rreth gjashtë persona, ndërkohë ekipet po vazhdojnë të kërkojnë edhe për personin që thuhet se vazhdon të jetë brenda gërmadhave.