Shërbimi Spitalor Klinik dhe Universitar i Kosovës ka nënshkruar kontratën për ndërtimin e Klinikës së Pediatrisë në Gjilan.
Sipas dokumentit të publikuar, projekti do të realizohet nga grupi i operatorëve ekonomikë “HYDRO ING SH.P.K.”, “MBB Construction SH.P.K.” dhe “HEXAGON CONSTRUCTION SH.P.K.”, të cilët janë shpallur fitues të tenderit, shkruan Gazeta Shneta.
Vlera e kontratës arrin në 996 mijë e 687 euro, ndërsa vlera e parashikuar e projektit kishte qenë 999 mijë e 230 euro.
Aktiviteti i prokurimit është zhvilluar me procedurë të hapur, ku kriter për përzgjedhje ka qenë oferta me çmimin më të ulët.
Sipas të dhënave, në këtë tender janë pranuar dy oferta, por vetëm njëra prej tyre është vlerësuar si e përgjegjshme.
Bazuar në kontratën e nënshkruar nga SHSKUK, ndërtimi i Klinikës së Pediatrisë pritet të zgjasë 12 muaj.
Dokumentin e plotë e gjeni KETU