Ju tanimë i njihni faktorët që ju rrezikojnë në rritje të një beteje të rëndë me koronavirusin e ri duke përfshirë moshën tuaj, peshën dhe çdo gjendje shëndetësore që mund të keni para se të infektoheni me virus.
Por, kur bëhet fjalë për faktorët që ju mbajnë të sigurt nga virusi i fundit, kjo është diçka për të cilën nuk kemi ditur shumë, shkruan burimi BestLife, përcjell Gazeta Shneta.
Sidoqoftë, sipas hulumtimit të ri të botuar në ‘Journal of Alergy and Clinical Immunology’, një grup befasues mund të jetë më pak i prirur për kontraktimin e Covid-19 dhe ata janë: personat me astmë.
Sondazhi u krye nga studiues izraelitë, të cilët testuan 37,469 pacientë, 6 përqind e të cilëve ishin pozitivë për virusin.
Ndër atë grup të infektuar, 6.75 përqind kishin astmë. Sidoqoftë, në mesin e pacientëve që ishin negativë ndaj virusit, 9.62 përqind e tyre ishin astmatikë.
Si rezultat, studiuesit arritën në përfundim se ekziston “ndjeshmëri më e ulët për Covid-19 në pacientët me astmë para-ekzistuese”.
Sipas statistikave të Qendrave për Kontrollin dhe Parandalimin e Sëmundjeve (CDC), kjo do të thotë se 7.7 përqind e të rriturve amerikanë dhe 7.5 përqind e fëmijëve amerikanë që kanë astmë mund të jenë disi të mbrojtur nga virusi.
Duke qenë se Covid-19 më së shpeshti sulmon mushkëritë dhe sistemin e frymëmarrjes, këto zbulime mund të duken kundërintuitive.
Por, ka disa shpjegime të mundshme për këtë sipas studiuesit Dr. Eugene Merzon, të Universitetit të Tel-Aviv.
Duke folur për ‘Jerusalem Post’, Dr. Merzon theksoi se astmatikët kanë nivele më të ulëta të receptorëve të angiotenzinës konvertuese që është një mekanizëm me të cilin koronavirusi i ri infekton qelizat tuaja.
Së dyti, astmatikët marrin më shumë masa paraprake për mënyrën e jetesës që mund t’i ndihmojnë ata të shmangin kontraktimin e Covid-19 sepse e dinë që ndikimi i tij mund të jetë më serioz.
Dhe së treti, trajtimet që pacientët marrin rregullisht për astmën, veçanërisht korikosteroidet e absorbuara, gjithashtu mund të zvogëlojnë rrezikun e tyre të kapjes së virusit. /Gazeta Shneta/