Dr. Ideal Jaka, internist dhe gastroenterolog, rikthehet në Kosovë pas disa vitesh eksperiencë në Gjermani, me një qëllim që të kontribuojë dhe të ofrojë shërbim të drejtpërdrejtë për njerëzit e vendit të tij.
“Fakultetin e Mjekësisë e kam përfunduar në Universitetin e Prishtinës, ku fillimisht kam kryer specializimin për Mjekësi Interniste dhe pastaj për Gastroenterologji. Në vitin 2014-2015 jam zhvendosur në Gjermani me qëllim të avancimit profesional, ku përfundova edhe një herë specializimin në Gastroenterologji në Mjekësinë Interniste. Aktualisht kam disa vite si kryemjek në spitalin e landit të Hisenit në Gjermani,” tregon Dr. Jaka.
Sidoqoftë, ideja e rikthimit në Kosovë ka qenë gjithmonë në mendjen e tij, shkruan Gazeta Shneta.
“Kur jam zhvendosur në Gjermani, gjithmonë kisha në mendje që të kthehem dhe të kontribuoj për Kosovën. Ofrimi i shërbimeve për pacientët e vendit tim është, përveç një lloj patriotizmi të vogël, edhe një nder dhe kënaqësi që nuk e ndjen me pacientët e tjerë. Kjo ka qenë një pjesë e rëndësishme e qëllimit të punës time nga Gjermania këtu,” shprehet ai.
Që nga korriku i këtij viti, Dr. Jaka ka filluar punën në ordinancën e tij ” Klinika Gastroenterologjike” në Gjakovë duke ofruar shërbime kryesisht në fushën internistike dhe gastroenterologjike.
“Kemi filluar me vizita specialistike, ekzaminime sonografike, gastroskopike, kolonoskopike dhe shumë shërbime të tjera në fushën e gastroenterologjisë,” thotë ai./Gazeta Shneta/
Për më shumë ndiqni intervistën: