Qendrat për Kontrollin dhe Parandalimin e Sëmundjeve (CDC) kanë sugjeruar se personat që e mposhtin Covid-19 mund të kenë një imunitet ndaj virusit.
Por, sipas të dhënave, ky imunitet nuk do të zgjasë më shumë se tre muaj shkruan DailyMail, transmeton GazetaShneta.
Një studim në SHBA sugjeron se plazma e personit tashmë të shëruar nga Covid-19 do t’i ndihmojë personave tjerë të cilët janë në gjendje më të rëndë shëndetësore.
Mirëpo, nivelet e antritrupave të gjetur tek pacientët e rikuperuar nga Covid-19 ra ndjeshëm në 2-3 muaj pas infeksionit si për pacientët simptomatike ashtu dhe asimptomatikë, sipas studimit kinez të botuar në Nature Medicine në muajin qershor.
Hulumtimi, që studioi 37 pacientë simptomatikë dhe 37 asimptomatikë zbuloi se nga personat që testuan pozitiv për praninë e antitrupave IgH, një nga llojet kryesore të antitrupave të shkaktuar pas infeksionit, mbi 90% pësoi rënie në 2-3 muaj.
Fatkeqësisht, shkencëtarët kishin shpresuar se antitrupat ndaj Covid-19 do të zgjasin më shumë, përafërisht dy vite, sikurse shihej tek personat e infektuar me SARS dhe MERS.
Nga studimi, shumë nga pacientët me Covid-19 kishin një rënie të antitrupave brenda 2-3 muajve./GazetaShneta/