Frutat janë shumë të rëndësishme në shëndetin e njeriut, si në të kaluarën dhe tani, ato përdoren mjaft shumë dhe në të njëjtën kohë këshillohen nga ekspertë mjekësor.
Por disa nga këta fruta kanë efekte interesante në konceptimin e një gruaje, sidomos nëse dëshironi të keni djalë.
Sidoqoftë, për vite të tëra ka qarkulluar një thashetheme se ngrënia e bananeve para ngjizjes i rrit mundësitë për të lindur djalë. Si shumicën e anektodave tjera të këtij lloji, njerëzit e konsiderojnë këtë gjë si përrallë të plakave. Megjithatë, një studim ka zbuluar se kjo gjë mund të jetë e vërtetë.
Hulumtuesit kishin anketuar 740 gra gjatë shtatzënisë së tyre të parë dhe kishin zbuluar se gratë të cilat u nënshtroheshin dietave që përfshinin konsumimin e sasive të mëdha të kaliumit (një nga vitaminat kryesor në banane) kishin qenë më të prira të lindnin djalë.
E njëjta gjë ishte thënë edhe për gratë të cilat kishin konsumuar sasi të mëdha të kalorive dhe sodiumit.
Veç kësaj, përmes studimeve të tyre, shkencëtarët kishin arritur ta kundërshtojnë një mit të kamotshëm i cili thoshte se konsumimi i madh i qumështit i rritë mundësitë për të lindur vajzë. Pra, shkencëtarët kishin zbuluar se është krejtësisht e kundërta, nivelet e larta të konsumimit të kalciumit ndërlidhen me lindjen e një djali. /Telegrafi/